مشکلدیم ای خسرو خوبان مدد ائیله

ای پاک آدی دردلره درمان مدد ائیله

گلمور قلمیم یازماقا چون شانوه چاتماز

حسنون ائلیوب عالمی حیران مدد ائیله

دریای غمون ساحلینه کیمسه چاتانماز

دونیانی دوتوب ظلمت و طوفان مدد ائیله

گلدسته لرون نور سپور عرشیله فرشه

عالم سنه محتاجیدی هران مدد ائیله

ای رحم ائلین اهوییه صیادین الینده

گلمیش قاپوا بنده نالان مدد ائیله

سن سن ره حقون اقاجان شرط و شروطی

سنسن ائلین مشگلی اسان مدد ائیله

عالم دولانور باشیوه آیا نه غریب سن

سنسن هامی عاشقلره سلطان مدد ائیله

هرگون منه قسمت اولا ایکاش وصالون

تا جان ائلیم عشقوه قربان مدد ائیله

هر چند کی لایق دگولم عشقوه مولا

سن اوز کرموندن ائیله احسان مدد ائیله

هوشمند